«Қайраттың» қорғаушысы Марлен Әмренов «Боруссия» Менхенгладбах тәрбиеленушілерімен өткен QJL All Star матчының қорытындысын шығарды.
– Әсер өте керемет. Өз командам үшін, жігіттер үшін және барлық жанкүйерлер үшін өте қуаныштымын.
Матч қиын болды, бірақ көрермендер үшін өте қызықты өтті деп ойлаймын, өйткені қауіпті сәттер өте көп болды.
Біз «Боруссияның» паспен өте жақсы ойнайтынын, техникасымен ерекшеленетінін білдік. Өткен матчта да солай болды. Біздің мақсатымыз – жеңіске жету еді. Біз оны орындадық.
«Боруссия» құрамынан кімді ерекшелеп айтар едім? Иван Чалета – пасы жақсы, өте техникалық жігіт. Жетінші нөмір, Кенни Вестьенс – өте жылдам, техникасы да жақсы екен.
Матчтан кейінгі пенальти сериясы кезінде қандай сезімде болдың? Әртүрлі сезімде болдық, өйткені бірінші пенальтиді соға алмадық. Ал кейін Камиль сейв жасағанда, өте қатты қуандық.
Ойын бойы бізге келіп, қолдау көрсеткен барлық жанкүйерлерге үлкен рақмет. Сіздердің қолдауларыңыз анық көрініп, естіліп тұрды, бұл бізге көп көмектесті.
«Хан-Тәңіріндегі» жалынды матч: QJL All Star құрамасы «Боруссияны» жеңді!
