Freedom QJ League W I туры: футболшы қыздар мен жаттықтырушылар не айтты

«Ертіс» – «Шахтер», 5:1

Сергей Поленов, «Шахтер» командасының бас бапкері

– Ең алдымен қарсылас команданы жеңісімен құттықтаймын. Психологиялық тұрғыдан толық дайын болмадық деп ойлаймын, әсіресе пенальтиден мүлт кеткеннен кейін. Бұған қоса, түрлі себептерге байланысты бұған дейін 11 ойыншыға қарсы 11 ойыншы құрамында толыққанды бақылау матчтарын өткізе алмадық.

Жұмыс істеу керек дүниелер көп – бұл әлі бастамасы ғана, алғашқы қадамдар. Көре жатармыз. Шын айтсам, осындай ірі есеппен жеңілеміз деп күтпедім, бірақ чемпионат енді ғана басталды. Жұмыс істейміз, қателіктермен жұмыс жасаймыз, өсеміз, ойынымызды жақсартамыз.

Стадиондағы атмосфера керемет болды. «Ертіске» үйдегі қабырғалары көмектесті деп ойлаймын. Бірақ өзімнің де жауапкершілігімді жоққа шығармаймын – не ойынды, не нәтижені. Жұмысымызды жалғастырамыз.

Саида Дюсембаева, «Шахтер» командасының жартылай қорғаушысы

– Әрине, өкінішті. Біз күрестік, барымызды салдық. Бірақ таблодағы есептің оң болуына әлі де көп еңбектенуіміз керек. Алдағы уақытта дайындықты жалғастырамыз.

Лигадағы бірінші ойынды асыға күттік, тезірек ойнағымыз келді. Қарсылас – өте мықты команда. Әрине, біз олармен соңына дейін толыққанды күресе алмадық, сондықтан есепті теңестіре алмадық. Қолдан келгенше жылдам есепті қысқартқымыз келді. Бірақ қалай болды – солай болды.

Менің голым ба? Өзім де білмей қалдым, бәрі аяқ астынан болды. Пас берілді, сосын – бах, гол. Ең бастысы – одан кейін жылдам орталыққа жүгірдім.

Анашым, әкешім, сәлем! Қолымнан келгенше тырыстым. Әбден шаршадым, бүкіл денем ауырып тұр.

Ксения Постовая, «Ертіс» командасының бас бапкері

– Ойын біз жоспарлағандай өтті. Бұл матчқа арнайы әзірлеген бірнеше комбинацияларымыз болды. Шындығын айтқанда, тағы екі «козырь» тактикамыз бар еді – оларды қарсыластарға құпия ретінде сақтап қалдық. Қыздарға алғысым шексіз – олар апталап жасаған жұмысымызды толық орындады.

Ойын барысындағы атмосфера – керемет. Жасыратын ештеңе жоқ, арманым орындалды.

Барша жанкүйерлерге, қаламызға – бізді қолдауға келгендеріңіз үшін үлкен рақмет!

Аружан Оспанова, «Ертіс» командасының жартылай қорғаушысы

– Баршаны жеңіспен құттықтаймын! Бізді қолдап келген барлық жанкүйерлерге үлкен рақмет. Бапкердің барлық тапсырмасын орындадық – соның арқасында жеңіске жеттік.

Менің екі голым? Эмоцияны сөзбен жеткізу қиын. Ойын алдында қатты уайымдадым, бірақ бапкердің нұсқауларын дұрыс орындаудың арқасында екі гол соға алдым. Командаға алғыс!

Атмосфера өте керемет болды. Лигаға үлкен рақмет – бәрі жоғары деңгейде ұйымдастырылды. Анашым, отбасым – сәлем! Бәріңізге сәлем!

«Қайрат» – «Жетісу», 11:0

Алмас Мұқажанов, «Жетісу» командасының бас бапкерінің көмекшісі

– Ең алдымен баршаны маусымның басталуымен құттықтаймын. Ал ойынға келсек – «Қайрат» командасын жеңісімен құттықтаймын. Олар өте жоғары деңгейдегі ойын көрсетті. Біздің командаға әзірге олардың деңгейінде ойнау үшін тәжірибе мен шеберлік жетіспейді. Қателіктер көп болды. Біз сол қателіктермен жұмыс істеп, келесі матчқа дайындалатын боламыз.

Малика Тоқтар, «Жетісу» командасының қорғаушысы

– Ойын өте жақсы әрі қиын өтті. Қыздар бар күшін салды, сол еңбектері үшін оларға алғысым шексіз. Әрине, маусымның алғашқы ойындары әрдайым оңай берілмейді, ал біздің командамыз үшін бұл тіпті қиын болды. Бірақ қыздарға шын жүректен ризамын – соңына дейін ойнағандары, тырысқандары үшін алғыс айтамын.

София Ягудина, «Қайрат» командасының жартылай қорғаушысы

– Бұл кездесу өте жауапты болды, біз оған ұзақ дайындалдық. Осы ойынға қатысқан барлық әріптестеріме, бапкерлерге, ата-аналарға және жанкүйерлерге алғысымды білдіремін.

Дарья Цай, «Қайрат» командасының жартылай қорғаушысы

– Ойын өте тартысты болды. Қарсыластар мықты прессинг жасады. Біз бұл матчқа ұзақ дайындалдық. Freedom QJ League аясындағы алғашқы ойында жеңіске жеткенімізге қуаныштымын.

«Астана» – «Тобыл», 2:0

Денис Сафронов, «Тобыл» командасының бас бапкері

– Көптен күткен Freedom QJ League маусымының басталғанына өте қуаныштымын. Лиганың өзіне, Тимур Турловқа және бұл жарысты ұйымдастыруға атсалысқан барша жандарға үлкен алғысымды білдіремін. Бұл тек әйелдер турнирі туралы ғана емес, жалпы Лига жайлы айтып отырмын.

Ойынның өзіне келсек, біз бұл кездесуді ұзақ күткеніміз әсер еткен сияқты. Қыздар сәл қобалжығандай көрінді. Сонымен қатар, Лигаға, ойыншыларға деген назар да артты – бәлкім, осының өзі бастапқыда қобалжуға себеп болған шығар. Ал одан кейін неге солай болғанын – нақты бір түсініктеме беру қиын, футболда бәрі болады.

Варвара Цой, «Тобыл» командасының жартылай қорғаушысы

– Ең алдымен өз командамызға алғыс айтқым келеді. Соңына дейін күрестік, бәрі де жарады. Ойын барысына біздің ойыншылардың алаңнан қуылуы әсер етті деп ойлаймын. Алға жылжимыз, жұмыс істейміз, нәтиже көрсетуге тырысамыз.

Асыл Пазыл, «Астана» командасының шабуылшысы

– Бүгінгі ойын оңай болған жоқ. «Тобыл» жақсы ойын көрсетті. Бірақ біз де қайсарлық танытып, соңына дейін күресіп, 2:0 есебімен жеңіске жеттік.

Болат Сағынбаев, «Астана» командасының бас бапкері

– Біз бұл мерекені асыға күттік, міне, ол сәт те келіп жетті. Алты ай бойы дайындалдық. Freedom QJ League – қыздар үшін кәсіби команда құрамында ойнауға дайындалудың тамаша мүмкіндігі. Жарыстар апталық цикл бойынша өтуде, бұрынғыдай емес. Бәрі өте керемет. Бүгінгі ойынымыз жаман болған жоқ. Әрине, аздап толқу болды, бірақ жалпы алғанда, ойынымызға көңілім толады.

«Ордабасы» – «Ақтөбе», 3:0

Аслан Бөкенбай, «Ақтөбе» командасының бас бапкерінің көмекшісі

– Бірінші ойын өтті. Жақсы ойын болды, тартысты ойын болды. Жақсы сәттер де болды.

Алғашқы ойын болған соң, аздап қобалжу байқалды. Қыздарымыздың бірі барын салды, ал кейбіріне әлі де бейімделу керек. Бәріңізді құттықтаймын.

Қыздардың болашағы үшін осындай мүмкіндік беріп жатқан инвесторларға көп-көп рахмет.

Келесі ойында көреміз, бұйырса дайын боламыз. Жаңа құраммен, жаңа дайындықпен шығамыз. Ойындардың бәрі алда. Бұл — тек бастамасы.

Азиза Талап, «Ақтөбе» командасының шабуылшысы

– Бүгінгі ойын өте қиын болды. Менің ойымша, бізге ұйымшылдық жетіспеді. Жұмыс істеу керек тұстар әлі де бар. Бұл біз үшін бірінші әрі соңғы осындай ойын болады деп сенемін. Келесі жолы біз мықты болып ораламыз.

Адина Шуренова, «Ордабасы» командасының қорғаушысы

– Ойын өте қиын болды, бірақ біз бұл сынақтан өттік. Барлық күткенімізден де жақсы нәтиже көрсеттік. Біз бұған ұзақ дайындалдық. Мақтанышпен айта аламын: өте қуаныштымын.

Барлық командаластарымды жеңіспен құттықтаймын. Баршаңызға ойын үшін рахмет.

Тимур Валеев, «Ордабасы» командасының бас бапкерінің көмекшісі

– Ойын қиын өтті, бәріңіз өздеріңіз де көрдіңіздер. Қарсылас командаға үлкен алғыс айтқым келеді – өте жақсы ойын көрсетті. Біздің қыздар қысымға төтеп бере алды. Сол үшін оларға үлкен рахмет. «Ордабасы» командасын жеңіспен құттықтаймын және ойын үшін рақмет!