Клубтарды әдістемелік сүйемелдеу: ССБ сарапшылары «Астана» футбол орталығында

Дүйсенбіден жұмаға дейін созылатын апталық жаттығу циклында Лиганың талдаушы-сарапшылары Игорь Шпанера мен Евгений Яровенко елордалық клуб жаттықтырушыларына алдағы ойындарға дайындық барысында белсенді түрде көмектесіп жатыр.

Сапар аясында жаттығу үдерісін бақылау және оны кейінгі талдау ғана емес, сонымен қатар қарсыласты талдау мен апталық микроцикл қағидалары тақырыбындағы оқу семинарлары да қарастырылған.

– Маусымның аяқталуына екі тур қалды, және турнирлік кестедегі жағдай тұрғысынан алғанда өте қызықты ойындар күтіп тұр. Спорттық-сараптамалық бөлімнің «Астана» футбол орталығына сапарының басты мақсаты – көмек көрсету, апталық циклды жоспарлау және команданың қарсыласқа қарсы қалай ойнайтынын пысықтау болды. Оларда келесі қарсыласы – «Ордабасы» туралы мол ақпарат бар.

Біздің негізгі міндетіміз – оларға көмек беру: ойын фазаларын талдап шығу – доппен және допсыз ойынды – оң нәтижеге қол жеткізу үшін. Маусым басымен салыстырғанда бапкерлердің ілім-білімі айтарлықтай артқанын көруге болады. Олардың бапкерлік шеберлігі бар, олар оң нәтиже үшін барын салады.

Әрине, олар жеңіске ойнайды, бірақ ең бастысы – олар үйренгісі келеді, «Болашақ бапкер» жобасының мүмкіндіктерін пайдалануға ұмтылады және маусымның үздік бапкері атағы үшін күресу үшін бар күшін салып жатыр, – деді Евгений Яровенко.