Ресми: Дастан Сатпаев «Челсимен» келісімшартқа қол қойды!

Freedom QJ League 2024 турнирінің ең құнды ойыншысы Лондонға 2026 жылдың жазында, 18 жасқа толғанда көшеді.

Лигада өткізген екі маусымда Дастан жалпы 28 матчқа қатысып, 26 гол соғып, 10 нәтижелі пас берді. Сондай-ақ, «Қайратпен» бірге екі рет U-18 турнирінің алтын медалін жеңіп алды.

Қысқы маусымаралық дайындық кезінде Сатпаев «сары-қара» негізгі командасының жиынына шақырылып, «Дордой» қақпасына гол соғып үлгерді.

Бұл трансфер – бүкіл қазақстандық футбол үшін тарихи оқиға. Дастанды шын жүректен құттықтаймыз және оған сәттілік тілейміз!