Лигa болжамдары: Freedom QJ League W соңғы туры немен аяқталады?

Егер алғашқы чемпионның есімі қазірдің өзінде белгілі болса (алтын медальді «Қайрат» ойыншылары мерзімінен бұрын жеңіп алды), күміс пен қола тағдыры әлі шешілген жоқ. Екінші орынға «Астана» мен «Ертіс» үміткер, бірақ павлодарлық команда «Ақтөбеден» жеңіліп қалса, жүлделі үштікке дәл «қызыл-ақтар» кіреді.

Естеріңізге сала кетейік, биыл Fantasy QJ League сайтында тағы бір ойын – Лига болжамдары іске қосылды. Әр қатысушы тур басталмай тұрып Лиганың үш турниріндегі әрбір алдағы ойынның нақты есебін болжауға тырыса алады. Толық сәйкес келген жағдайда – бес ұпай, дұрыс нәтиже мен доп айырмашылығын тапқандарға – үш ұпай, тек қана нәтижені тапқандарға – бір ұпай жазылады. Маусым қорытындысы бойынша үздік үштікке кірген қатысушылар QJ League атынан бағалы сыйлықтарға ие болады.

Қазіргі сәтте Лига болжамдарының көпшілік қатысушылары соңғы турда «Астананың» «Шахтерді» жеңетініне, сондай-ақ «Қайраттың» «Тобылға» қарсы ірі жеңісіне сенімді.

Ал «Ордабасы» мен «Жетісу» арасындағы кездесуде әзірге бірыңғай пікір жоқ: қатысушылардың 20%-ы шымкенттіктер 2:0 есебімен жеңеді десе, тағы 20%-ы 3:1 болады деп санайды. Ал 10% қатысушы нөлдік тең есеп күтіп отыр.

«Ертіс» пен «Ақтөбе» ойынында ең танымал болжам – павлодарлықтардың 3:1 есебімен жеңісі (30%). Одан кейін «ақ-қызылдардың» минималды жеңісі мен «Ертістің» 4:0 есебіндегі ірі жеңісі тұр (әрқайсысы – 10%).

Кімнің болжамы дәл келеді? Жауап 21 қыркүйекте белгілі болады.

Айта кетейік, Fantasy турнирінде уик-энд қорытындысы бойынша ең мықты құрам жинаған қолданушылар COPA.KZ дүкенінен 20 000 теңгелік сертификатқа ие болады. Fantasy QJ League-ке мына сілтеме арқылы тіркеліңіз!