QJ League амбассадорымыз Игорь Шацкиймен бірге «Асем» балалар үйіне қонаққа барып келді

15 желтоқсанда QJ League командасы Қарағандыға келіп, Лига амбассадоры Игорь Шацкий және «Шахтер» U-18 футболшысы Глеб Макридовпен бірге «Әсем» балалар үйінің тәрбиеленушілеріне қонаққа барды.

 

Келген қонақтарды бірден балалар үйінің тәрбиеленушілерінің кезекшілері қарсы алып, қонақтарды акт залына дейін шығарып салды. Акт залына жиналған Игорь Шацкий, Глеб Макридов және QJ League медиа-офицері Бекежан Ардақұлы балаларға Лига туралы, футбол мансаптары туралы айтып беріп, салауатты өмір салтын насихаттап, балалардың көптеген қызықты сұрақтарына жауап берді. Одан әрі балалар ән шырқап, баян, домбыра, гитарада ойнап, тақпақ айтып, өз өнерлерін көрсетуге ниет білдірді. Cалтанаттың соңында Игорь Шацкий мен Лига қызметкерлері балаларға сыйлық ретінде жаңа үлкен теледидар мен Xbox-ті табыс етті.

 

«Бүгін біз QJ League-мен бірге мереке қарсаңында балаларды естелік сыйлықтармен қуанту үшін «Әсем» балалар үйіне келдік. Олар бізге өте қызықты әрі талантты қойылымдар көрсетті. Біз бүгін бір-бірімізге көптеген қуанышты және жағымды эмоциялар сыйладық деп айта аламын», – деп бөлісті Игорь Шацкий.

 

Кездесу мұнымен аяқталмады, балаларды «Номад Арена» жабық футбол алаңына апару үшін сыртта автобус күтіп тұрды. Оле жерде олар Шацкий, Макридов және келесі маусымда Freedom QJ лигасында дебют жасайтын «Шахтер» U-16 командасының бірнеше ойыншыларымен футбол ойнауға мүмкіндік алды. Сонымен қатар, аренада балаларды аниматорлар, түрлі іс-шаралар, ойындар және өте дәмді тағамдар күтіп тұрды. Матчтан кейін оларға тағы бірнеше естелік сыйлықтар берілді: футбол формасы, тәттілер және QJ League стикерлер жинағы. Естелік суретке түсіп, бірнеше балалар бірнеше сөз айтқысы келіп, Игорь Шацкийге, «Шахтердің» жас футболшылары мен Лигаға осы тамаша өткен күн үшін алғыстарын білдірді.

 

«Бүгін Лигамен бірге біз «Әсем» балалар үйінде болдық, оларға теледидар мен Xbox сыйға тарттык, өнерлерін тамашалап, олармен футбол ойнап қайттық. Бұл Қарағандыдағы лиганың екінші әлеуметтік іс-шарасы, оған қатысу маған ұнады, біз адамдарға қуаныш сыйлай беруді ары қарай да жалғастырмыз деп ойлаймын», – деп Глеб Макридов өткен күннен алған әсерімен бөлісті.