Рохус Шох: «Дәл осындай жағдайларда жас футболшылар өсіп, дамиды»

– Достар, бірге қуанайық – бұл ең бастысы. Барлығының сәтті өткеніне кімнің арқасында қол жеткізгенімізді атап өткім келеді. Бұл – QJ League командасының еңбегі, оның негізін жас қазақстандықтар құрайды. Дәл солар осы мерекені, осы керемет жобаны жасап жатыр. Олар нағыз еңбекқорлар.

Айта кету керек, маусым өте тамаша өтті. Әсіресе, кіші жас санатындағы алтын медаль үшін күрес мені қатты әсерлендірді. Шиеленіс соңғы минутқа дейін жалғасты, соңғы минутқа дейін! Бұл үлкен тосын сый болды, өйткені көпшілігі алдын ала «Қайрат» Академиясына сенім артқан еді. Бірақ «Астана» мектебі де мықты әлеуетке ие екенін дәлелдеді. Бұл өте қуанышты, өйткені дәл осындай салауатты бәсекелестік жағдайында мықты футболшылар қалыптасады. Тек осылай ғана болады.

Енді үлкен жас санатына тоқталсақ, мұнда QJ League басты Кубогы үшін күрес жүріп жатыр. Мұнда да жүлделі орындар үшін қызықты бәсеке өрбіді. Қарағандылық «Шахтерге» өкініш білдіремін, олар соңғы турда менің жерлестерім – «Таразға» жеңіліп қалды. Әрине, мен «Тараз» үшін қуаныштымын, бірақ объективті түрде «Шахтер» керемет маусым өткізді деп мойындаймын. Олар өте жақсы жас футболшыларды тәрбиелеп жатыр. Бірақ бұл футбол, нәтижесінде «Ордабасы» мен «Тараз» екінші және үшінші орындарды иеленді. Осындай бәсекелестік – бұл керемет нәрсе. Қайталап айтамын, дәл осындай жағдайларда жас футболшылар өсіп, дамиды. Біз бұл жобаны дәл осы мақсатта бастаған едік.

Бүгін мен барлық қатысушыларға тағы да алғыс айтқым келеді, ең алдымен – Тимур Турловқа. Бұл – жобаға Қазақстанда ешкім сенбей, не істегіміз келетінін түсінбеген кезде сенім артқан адам. Тимур Турлов бірден әлеуетті байқады, өйткені ол – көреген, стратег. Бұл – оған Жаратқан берген дарын. Ең бастысы, ол бәрін шын жүректен, Қазақстан жастары үшін жасап жатыр. Сол себепті оның ісі алға басып келеді. Ал біздің де ісіміз алға басуда!