Лига бапкерлері үшін семинар: үшінші күн қалай өтті

Еске сала кетейік, бейсенбі күні семинар қатысушыларына Футбол үйінде жаттығулар өткізу мүмкіндігі берілді. Бүгін олар шағын топтарға бөлініп, Лиганың спорттық-сараптамалық бөлімінің сарапшыларымен бірге осы практикалық сабақтарды талдады.

Кофе-брейктен кейін спикерлердің кезегі келді. ҚФФ техникалық директоры Геннадий Скуртул қатысушыларға ҚФФ-ның «Болашақ чемпиондар» жобасын таныстырды. Ал спорттық-сараптамалық бөлімінің сарапшысы Игорь Шпанера QJL All Star құрамасының мадридтік «Атлетико» тәрбиеленушілерімен тең дәрежеде ойнауына мүмкіндік берген стратегияны егжей-тегжейлі баяндады.

Соңында, соңғы жарты сағат рефлексия мен қорытынды жасауға арналды.

Семинар Лиганың спорттық-сараптамалық бөлімі мен Қазақстан футбол федерациясының Техникалық орталығының бірлесуімен өткізілді. Соның арқасында бапкерлер УЕФА конвенциясына сәйкес өз лицензияларын ұзартуға қажетті оқу сағаттарын тегін алды.