Freedom QJ League клуб қызметкерлеріне арналған семинардың алғашқы күні аяқталды

Екі күнге созылатын оқыту бағдарламасы екі бағытқа бөлінді. Оның бірі — спорттық-талдамалық блок ұйымдастырған футболдық бағыт. Бірінші күнді САБ жетекшісі Арсен Інкәрбеков ашып, семинар қатысушыларына алғысөзін арнады.

Одан кейін Лиганың сарапшы-талдаушысы Игорь Шпанера алдағы маусымда іске қосылатын жаңа жобалармен таныстырды: «Әдістемелік сүйемелдеу», «Болашақ ойыншы» және «Болашақ бапкер». Түскі үзілістен кейін сарапшы-талдаушы Дмитрий Васильев тағы бір жаңа жобаны – «Талдаулық сүйемелдеу» жобасын таныстырды, ал менталдық дайындық бойынша сарапшы Тамара Ахметәли командалық бірліктің маңызы мен ерекшеліктері жайлы айтып берді.

Сол уақытта басқа залда медиа және маркетингке арналған воркшоптар өтті.

Клуб қызметкерлеріне Лиганың медиа және маркетинг блогының жетекшісі Антон Лысяк сөз сөйледі. Ол әсерлі оқиғалар құру мен ақпараттық себептермен сапалы жұмыс істеу әлеуетті демеушілерді тартудың негізгі жолы екенін еске салды.

Мамандар командаларға бөлініп, ойын түрінде дағдарыс кезіндегі PR, әлеуметтік желідегі жұмыс және әлеуетті серіктестермен келіссөздер жүргізу салаларында кейстерді шешті.

Тәжірибелі сарапшылар – Антон Лысяк, комментатор Әлімжан Асқар, журналист Дмитрий Дубовицкий және «Астана» баскетбол клубының коммуникациялар басқармасының жетекшісі Әлия Рощупкина командалардың жұмысын бағалап, кері байланыс беріп, шағын байқаудың жеңімпаздарын атады.

Семинардың екінші күні 1 сәуір, сейсенбіде өтеді.