.jpg)
«Хабар» телеарнасында «NeoСеть» бағдарламасының жаңа шығарылымы жарық көрді. Бұл жолғы хабардың басты кейіпкерлері Freedom QJ League спорттық-сараптамалық блогының мамандары болды.
«NeoСеть» бағдарламасы көрермендерді күнделікті өмірде жасанды интеллектті қолданудың өзекті мысалдарымен таныстырады. Озық технологиялар отандық футболға да қарқынды еніп жатыр – Лига бұл құралдарды жаттығу мен жарыс процесіне енгізуде көптен бері көш бастап келеді.
Лиганың атқарушы директорының орынбасары Юрий Воропаев, спорттық-сараптамалық бөлім (ССБ) басшысы Бауыржан Сағындық және деректерді талдау жөніндегі маман Азамат Шмитов үш жыл ішінде құрылған цифрлық экожүйе туралы егжей-тегжейлі айтып берді. Бұл жүйеге FF Manager платформасы, Pixellot «ақылды» камералары, GPS-трекерлер, OVR Performance жабдықтары және басқа де құралдар кіреді.
Жаттығу процесінің цифрландырылуын іс жүзінде көріп, таспаға түсіру үшін түсірілім тобы «Астана» ФК тәрбиеленушілерінің жаттығуына барды. U-18 командасының бас бапкері Константин Чернявский, сондай-ақ елордалық клубтың ойыншылары мен олардың ата-аналары жаңа технологиялық құралдардың енгізілуіне қатысты өз әсерлерімен бөлісті.
.JPG)
